Sozial Media Plana: Zure elkartea sarean aritzeko ezinbestekoa

Sozial Media

Azken aldi honetan herriko hainbat tabernen gonbidapenak jasotzen aritu naiz beraien laguna facbooken izateko. Hobe lukete kontu pertsonaletik jarraitzale kontura aldatu facebookek ezabatu aurretik. Enpresek, elkarte eta erakundeek ezin dute pertsona fisiko gisa ibili sare sozial horretan. Facebookek hori zigortu egiten du eta. Baina hau nola egiten den ez da hona ekarri nauena. Kontua da zenbat erakundek, elkartek eta enpresek sare sozialetan zabaltzen dutela kontu bat argi izan gabe non sartzen diren. Gehiegi dira tamalez. Zergaitik egiten duten garbi dago. Han jendea dabil eta uste dute bertan azaltzen badira bezeroak lortuko dituztela. Gainera kontu horien kudeaketa sare sozialetan lagunekin aritzen den langileari ematen diote irizpide jakinik gabe. Eta horrela porrota ziurtatuta dago. Ohartu behar dira Sozial Media Plana egitea ezinbestekoa dela. Argibide batzuk emango ditut jarraian plan horri nola heltzeko.

Sozial Media Plan bat egiteko lehen pausoak

Ezer egin aurretik garbi izan behar dugu zer lortu nahi dugun (ZER) nahi dugun lortu eta (NOLA) lortzea nahi dugun sarean. Helburu bat izatea eta hori lortzeko estrategia lantzea funtsezkoak dira. Hau da PLAN bat izatea. Sukaldari batek ez du ezer egiten nolako menu mota egitea nahi duen garbi izan arte. Errezeta jakin batzuk egingo baditu erosi beharko ditu hoiek egiteko jakiak eta garrantzitsuena dena, nola egin jakin beharko du. Zoritxarrez sarean dabiltzan zenbait enpresa eta elkarte ez dute menurik (PLANA) ezta jakiak eta errezetarik (ESTRATEGIA) ere. Esango dute sare sozial batzutan daudela eta webgune oso moloia dutela ere baina ez dute ezer lortuko. Eta okerrena beraien bezeroek oso gaizki ikusiko dituzte ezingo dutelako ezer ganorazkorik egin beraiekin. Hobe ez egotea gaizki egotea baino.

Bizitzan ematen ditugun pauso guztiak bezala sarean egotea behar bati erantzuteko izan behar da. Enpresen kasuan beraien marka ezagutarazteko izan daiteke edo bezeroekin harremanetan egoteko adibidez. Komunitate bat lortzea izan liteke beste helburu bat… Lehen pausoak hauek dira: Garbi izan, helburua lortzeko ondo jakin beharko dela enpresaren egoera, nola dagoen bera jarduten den alorra, konpetentzia aztertu beharko da ere. Agian bere bezeroak ez dira aritzen sarean. Orduan zertarako sare sozialetan kontuak sortu? Eta han badaude zer sare sozial erabiltzen dute? Agian ez daude ez facebook ezta twitteren eta bai Pinteresten. Eta kontuz, garbi izan nola erabili behar den enpresa landu nahi dituen sare sozialak. Zer ekintza burutu behar diren bertan.

Gauzak ez dira hain errazak beraz. Sozial Media Plana izatea eta martxan jartzea ondo dago baina garbi izan denbora beharko dela emaitzak lortzeko. Pazientzia eta etengabe jardutea. Gero ekintzek ematen duten emaitzak neurtu. Nahi ditugun helburuak lortzen ez badira estrategia aldatu. Hala behar izanez gero ekintza berriak egin. Aztertu eta aldatu, helburua lortu arte. Etengabe.

Etorkizuneko sarreretan honetaz arituko naiz, zer pauso eman behar diren argibideak ematen. Helburuak eta estrategia ezberdinak azaltzen. Oso interesgarria ezta? :)

Sarrera gustatu bazaizu partekatu beheko botoi sozialak erabiliz.

Beste sarrera hauek agian interesgarriak izango zaizkizu:

Zertarako erabili sare sozialak? Twitter
Langileak eta sare sozialak

Plaentxia.eus: Plaza berria daukagu Soraluzen

Plaentxia.com zena Plaentxia.eus da orain. Lehen herriko albisteak batzen zituen txokoa zena, orain plaentxitarrok batzeko gune bihurtu da. Iaz pil-pileanek kudeatzen zuen eta han eta hemen batzen ziren berriez osatuta zegoen. Egun herriko eragile ezberdinek, elkarteek, beraien berriak eta oharrak jar ditzazkete bertan. Plaza Zaharrari eta Plaza Barrixari beste plaza bat gehitu diogu herriari Plaentxia.eus. Edonondik bertara batu gaitezke. Guk geuk kudeatzen dugu bertakook soraluzetarrok. Ez gaude beste plazak ez twitter eta ezta facebook noiz zabalduko. Azken hauei ez diegu muzin egingo han ere esan nahi duguna azalduko dugulako. Han aritzea ere oso garrantzitsua delako. Baina gure erreferentziazko gunea, PLAZA, plaentxia.eus izango da eta guztion ekarpenekin plaza ederragoa egingo dugu.

Garrantzitsua da horrelako albiste gunea izatea herrian. Eta gainera euskaraz bada are eta gehiago. Hizkuntzaren erabilerarako estrategikoa oso. Aurreko baten aipatzen nuen blog bat izatea garrantzitsua zela norbanakoentzat. Han nahi dena esateko, patxadaz nahi adina luze, zehatz eta gura den moduan. Herri batentzat eta kasu honetan soraluzerentzat era berean ezinbestekoa da bere “etxea” izatea sarean. Herritarreak  beraien herrian zer gertatzen denaz jakin dezaten, eztabaidatzeko, beraien iritziak emateko. Ikuspegi ezberdinak mahaigainean jartzeko. Bai albisteak komentatuz, bai elkarteek berriak plazaratzeko eta baita nahi duenak blog komunitatearen bidez bere burutazioak lau haizetara bidaltzeko ere. Han esan beharrekoa esan ondoren, hala nahi bada norberaren etxera (blogera edo webgunera) gonbidatu irakurlea.

Urte berriak plaza berria ekarri digu. Bazatoz plaentxia.eus plaza barrira?

plaza berria

Follow

Get every new post delivered to your Inbox.

2,320 harpidedun

%d bloggers like this: