Karlos Arguiñano eta Isasaweis: Marka pertsonal baten osagaiak jakin nahi?

Zergaitik dira ezagunak pertsona batzuk eta ez besteak? Zergaitik fidatzen gara enpresa batetaz eta ez besteaz?

Bi adibide:

marka

  • Karlos Argiñano sukaldariak ospea lortu zuen duela urte batzuk eta orain ere ospetsua da. Zergaitik? Oso txistosoa delako? Azken horrek laguntzen du jakina baina ez da erabakiorra. Milaka sukaldari daude munduan. Zergaitik Karlos Arguiñano han eta hemen ezagutzen dute? Bere marka pertsonala zaintzen du. Karlosek egiten duena baliogarria da. Bere bezeroentzat balio du. Errezeta errazak eta gustagarriak egiten ditu. Igortzen duen mezua fidagarria da. Bere ekintzek ez dute susmo txarrik sortzen. Bere jarraitzaileekin konektatzen du. Eta azkenik ikusterreza da. Telebistan eta sarean urteak daramatza.

marka

  • Isabel Llano irakaslea. Makilajeaz asko daki eta erreferentzia bat bilakatu da bere isasaweis bideoblogarekin. Hainbat eta hainbat neska gazterentzat bere bideoetan ematen dituen aholkuak makilajearen alorrean baliogarriak dira. Denborarekin garbi utzi du fidagarria dela. Esan eta egiten duena bat datoz. Eta sarean txoko bat lortu du makilaje gaietan erreferentzi bat bihurtzeraino. Ikusterreza da eta erraz aurki dezakegu.

Bi adibide hauekin argi geratzen dira zure marka pertsonalak izan beharko dituen hiru osagaiak:

  • Baliogarria izan
    Egiten duzuna behar bat, nahi bat bete behar du. Zure bezeroentzako baliogarria izan beha da. Zure bezeroak egiten duzun produktuarekin asetuta gelditu behar dira. Edo eskaintzen duzun zerbitzua beraien behar jakin bat bete behar du.
  • Fidagarria izan
    Baliogarria izatea oso garrantzitsua da baina ematen duzuna ez bada ona, akabo. Produktua eskaza bada jai daukazu. Kalitatezkoa izan behar da eskaintzen duzuna. Horretaz gain ez baduzu zure bezeroen nahiak beti betetzen, esan agur. Beti, beti, beti gogoan izan ZURE BEZEROA. Mimatu egin beharko duzu. Esker ona agertu eta bere iradokizun eta erreklamazioak entzun eta konpondu.
  • Ikusterreza izan
    Zertarako balio du baliogarria eta fidagarria izatea inork ezagutzen ez bazaitu? Ezin bazaituzte ikusi? Marka bat ez da marka bat ezin bada ikusi. Erakutsi beti egiten duzuna. Nola egiten duzun. Nolakoa zaren.

Hiru osagai hauetako batek kale egiten badu, agur gure marka pertsonala.

Sintonia bat egon behar da online egiten dena eta offline egiten denaren artean. Sarean eta amaraunetik kanpo azaltzen den mezua berdinak izan behar dira. Eta bi lekuetan jardun beharra dago. Bi tokietan landu osagai hauek.

Zuk zure marka pertsonala zaintzen duzu? Bultzatzen duzu? Utzi zure iritzia mesedez. :)

Gustuko duzu sarrera hau? Partekatu sare sozialetan.

________________________________________________________________________________________________________________________________________________

Agian beste post hauek interesatzen zaizkizu ere:

Zure marka pertsonala hobetzeko ekintzak

Nondik hasi marka pertsonala lantzen?

Parkean burua kokatu nahian

Banator berriz hemendik. Hilabete bat ixilik egon ostean hemen naukazue berriz. Negua gogorra egiten ari zait. Hemen zer esan, nola esan eta noiz esan pentsatzen ibili naiz aste guzti hauetan. Azken postean sozial media planaz hitzegiten ibiliko nintzela ohartarazi nizuen. Eta hala izango da aurrerantzean. Gai hau asko atsegin dut. Guztioi erakargarri eta lagungarri izango delakoan nago. Izan langile, enpresa, elkarte edota lana bilatzen ari denarentzat. Hala ere, ez dut nahi nire burua horretara soilik mugatu. Bisitatzen ari zaren blog hau pertsonala da eta nire ikuspuntuak beste gai batzuetaz ematea nahi dut, behar dut. Eta horrela egingo dut. Batzutan asmatuko dut beste batzutan ez. Horrela da bizitza eta saretik at hanka sartzen den moduan sarean ere beste horrenbeste.

Sozial mediaz ere berba egingo dut. Baina bai gai honetan eta baita planean eta beste gaietaz ere ariko naizenean nire erara azalduko dizkizuet gauzak. Gertutasunez, adibideak jarriaz eta ahaldudan eta erakargarrien. Zuen komentarioak eta kritikak beti beti ongi etorriak izango dira. Laga hemen oharrak: Zer nahi duzuen irakurri, zer ez zaizuen gustuta gustatuko, nola ikusten nauzuen…

parkean

Munduari so instagram

Hau ez da irlatxo bat hau mundu zabala nola ikusten dudan zuek ikus dezazuen parketxo bat da. Txikitan gure herriko Ezozi bideko parkean sarri lagunak elkartzen ginen jolastera. Hari parkea deitzeko baloria behar da. Kanpotarrei argazkian azaltzen den horri parkea deitzen diogula entzuten digutenean barrezka hasten dira. Plaentxiako beste xelebrekeri bat da. :D Tira arira. Han biltzen ginen bakoitza zer jostailu ekarriko, zer berri kontatuko. Parkean bakoitza nolakoa zen azaltzen zuen. Nire blog hau zuentzat elkartzeko gune bat izan dadila nahiko nuke. Ezoziko parkea moduan. Astero gutxienez behin azalduko naiz.  Ongi etorriak denok izango zarete! :)

Follow

Get every new post delivered to your Inbox.

2,322 harpidedun

%d bloggers like this: